काठमाडौं। आइसीसी टि– २० विश्वकप एसिया छनोट अन्तर्गतको खेलमा सिंगापुरले नेपाललाई १४६ रनको लक्ष्य दिएको छ।

सोमबार कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको सिंगापुरले निर्धारित २० ओभरमा ९ विकेट गुमाएर १४५ रन बनायो।

सिंगापुरका रोहन रगंराजनले ४६ तथा आर्यवीर चौधरी ३७ रन बनाए।

नेपालको कसिलो बलको अगाडि अन्य ब्याट्स म्यानले गतिलो प्रदर्शन गर्न सकेनन्।

नेपालका अविनाश बोहराले ३ तथा करण केसी, सन्दीप लामिछाने र गुल्सन झाले समान २/२ विकेट लिए।