काठमाडौं आइपुग्यो बेलायतले सहयोग गरेको स्वास्थ्य सामग्री

काठमाडौं आइपुग्यो बेलायतले सहयोग गरेको स्वास्थ्य सामग्री

काठमाडौं । बेलायत सरकारले नेपाललाई सहयोग स्वरुप पठाएको स्वास्थ्य सामग्री काठमाडौं आइपुगेको छ ।

शुक्रबार बिहान २ सय ६० भेन्टिलेटर, १९ हजार २ सय थान फेससिल्ड लगायतका स्वास्थ्य सामग्री चार्टर्ड उडानबाट काठमाडौं ल्याइएको परराष्ट्र मन्त्रालयले जानकारी दिएको छ ।

मन्त्रालयले एक विज्ञप्ति जारी गर्दै ती सामग्रीहरु शुक्रबार बिहान त्रिभुवन अन्तर्राष्ट्रिय विमानस्थलमा नेपालका लागि बेलायती राजदूतत निकोला पोलिटले स्वास्थ्यमन्त्री हृदयश त्रिपाठीलाई हस्तान्तरण गरेको जनाएको छ ।

साथै सोही उडानबाट च्यारिटी संस्था नेपाल मेड युकेले प्रदान गरेको अक्सिजन कन्सन्ट्रेटरसमेत ल्याइएको विज्ञप्तिमा उल्लेख छ ।




Leave a Reply

Your email address will not be published. Required fields are marked *