काठमाडौं । गैरआवासीय नेपाली संघ (एनआरएनए) ले सुदुर पश्चिम प्रदेशलाई पनि ‘मोबाइल ब्लड बस’ सहयोग गर्ने भएको छ ।

संघको अन्तर्राष्ट्रिय समितिको आइतवार सम्पन्न बैठकले सुदर पश्चिम प्रदेशलाई पनि ‘मोबाइल बल्ड बस’ सहयोग गर्ने निणर्य गरेको पूर्व कोषाध्यक्ष हिक्मत थापाले जानकारी दिए ।

उनका अनुसार यस अभियानका लागि नेपाल रेडक्रस सोसाइटी कैलाली, धनगढी उपमहानगरपालिका, सुदुर पश्चिम सरकार, सुदुर पश्चिमका परोपकारी संघ संस्थाहरु, समाजसेवीहरुको सकृयता रहने छ ।

सो अभियानमा सुदुर पश्चिम नेपाली समाजको सक्रिय सहभागिता र सहयोग सदा रहने थापाले विश्वास व्यक्त गरे ।

संघले गतसाता घुम्ती रगत संकलन बस भरतपुर महानगरपालिका मार्फत चितवन रेडक्रसलाई हस्तान्तरण गरेको थियो।