दुबई। संयुक्त अरब इमिरेट्स (यूएई) ले आक्रामक आर्थिक रूपान्तरणका लागि सन् २०२२ देखि २०२६ सम्म नयाँ पञ्चवर्षीय योजनाका लागि २ सय ९० बिलियन दिराम अर्थात ७९ अर्ब अमेरिकी डलरको बजेट अनुमोदन गरेको छ।

जसअन्तर्गत सरकारले आउँदो वर्षका लागि मात्र ५९ बिलियन दिराम छुट्टयाइसकेको छ। यी रकममध्ये ४१ दशमलव २ प्रतिशत रकम विकाश र सामाजिक लाभको क्षेत्रमा गरिने राज्य नियन्त्रित न्युज एजेन्सी डब्लूएएमले जनाएको छ।

यस्तै, शिक्षा क्षेत्रको बजेट बढाएर १६ दशमलव ३ प्रतिशत बनाइने छ। स्वास्थ्य सुविधामा ८ दशमलव ४ प्रतिशतले बुद्धि हुनेछ। यस्तै, पेन्सन ८ दशमलव २ प्रतिशत र सामाजिक विकाशको क्षेत्रमा ६ प्रतिशतले बुद्धि हुने जनाइएको छ।

रिपोर्टका अनुसार यूएईले आगामी वर्ष पूनर्निमाण र वित्तिय संसाधनको क्षेत्रमा ठूलो राशी खर्च गर्दैछ। यसका लागि थुप्रै सरकारी समिति परिवर्तन हुने पनि न्युज एजेन्सीले उल्लेख गरेको छ।