काठमाडौं । कोरोना भाइरस (कोभिड–१९) को संक्रमणबाट बेलायतमा थप २ नेपालीको निधन भएको छ । योसँगै संक्रमणबाट विदेशमा ज्यान गुमाउने नेपालीको संख्या ३५५ पुगेको गैरआवासीय नेपाली संघका स्वास्थ्य समिति संयोजक डा. संजीज सापकोटाले जानकारी दिएका छन् ।

संयोजक सापकोटाका अनुसार शनिवार साँझसम्म विभिन्न ५० देशमा रहेका ६० हजार १ सय २१ जना नेपालीमा कोरोना संक्रमण पुष्टि भएको छ । तीमध्ये ५८ हजार ४ सय ३२ जना कोरोना संक्रमण मुक्त भएका छन् । संक्रमणमुक्त हुने दर ९७ प्रतिशत छ ।

स्वास्थ्य समितिको तथ्याङक अनुसार यो साता अष्ट्रेलिया, स्पेन, बेलायत, यूएई, साउदी अरबमा रहेका थप नेपालीहरुमा कोरोना संक्रमण देखिएको छ ।