साैल । दक्षिण कोरियामा बिहिवार ७३५ जनामा कोरोना संक्रमण पुष्टि भएको छ । सोही अवधिमा २ जना कोरोना संक्रमितको मृत्यु भएको यहाँको स्वास्थ्य मन्त्रालयले जनाएको छ।

मन्त्रालयका अनुसार आज थपिएका संक्रमितसँगै कोरियामा कोरोना संक्रमितको संख्या १ लाख १६ हजार ६६१ पुगेको छ । तीमध्ये १ लाख ६ हजार ४५९ संक्रमित निको भइसकेका छन्।

हाल कोरियामा संक्रिय कोरोना संक्रमितको संख्या ८ हजार ३९४ रहेका छन् । तीमध्ये १२५ संक्रमितको अवस्था गम्भिर रहेको छ।

दक्षिण कोरियामा कोभिड–१९ को संक्रमण फैलिएदेखि हालसम्म ८५ लाख ३७ हजार ५०५ जनामा कोरोना परिक्षण गरिएको छ।