काठमाडौं। घुस मागेको अडियो प्राप्त भएपछि त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुर निलम्बनमा परेका छन्।

थाई स्माइल एयरलाइन्सका प्रतिनिधिसँग गैरकानुनी लाभ लिने उद्देश्यले गरेको कुराकानीको श्रब्य सामग्री प्राप्त भएपछि ठाकुरलाई निलम्बन गरिएकाे संस्कृति, पर्यटन तथा नागरिक उड्डयन उड्डयन मन्त्रालयले जनाएकाे छ।

मन्त्रालयका प्रवक्ता राजेन्द्रकुमार केसीका अनुसार सोबारे जाँचबुझ गर्ने सिलसिलामा पदबाट निलम्बन गर्न नेपाल नागरिक उड्डयन प्राधिकरणका महाप्रबन्धकलाई लेखी पठाइएको हो।

यस विषयमा थप अनुसन्धान गर्न अख्तियार दुरुपयोग अनुसन्धान आयोगमा समेत पठाइनेछ।