गृहमन्त्री रबीको ४८ घण्टे अल्टिमेटम : नियम विपरीत राखिएका निजी सुरक्षाकर्मी फिर्ता गर्नु

गृहमन्त्री रबीको ४८ घण्टे अल्टिमेटम : नियम विपरीत राखिएका निजी सुरक्षाकर्मी फिर्ता गर्नु File Photo

काठमाडौं। गृह मन्त्रालयले बहालवाला तथा पूर्वकर्मचारी र सुरक्षाकर्मीले नियमविपरीत व्यक्तिगत सुरक्षाकर्मी र सहयोगी राखेको भए फिर्ता गर्न ४८ घण्टाभित्र मातहतका सुरक्षा निकायलाई निर्देशन दिएको छ।

मन्त्रालयले मंगलबार एक विज्ञप्ति जारी गरी विशिष्ट व्यक्तिहरुको सुरक्षा व्यवस्थापन कार्यविधि २०७७ को व्यवस्था भन्दा विपरीत सेवा सुविधा लिएको र व्यक्तिगत सुरक्षाकर्मी तथा सहयोगी राखेको भए ४८ घण्टाभित्र फिर्ता गर्न निर्देशन दिएको हो।

‘कार्यविधिमा तोकिएअनुसारका बहालवाला तथा पूर्व कर्मचारीरसुरक्षाकर्मीहरुले व्यक्तिगत सुरक्षाकर्मीको सुविधा पाउने व्यवस्था रहेको छ,’ गृहमन्त्रालयबाट जारी विज्ञप्तिमा उल्लेख गरिएको, ‘उक्त कार्यविधिमा व्यवस्था गरिएको भन्दा विपरित सेवा सुविधा लगायत व्यक्तिगत सुरक्षाकर्मी, सहयोगी राखेको भए ४८ घण्टाभित्र फिर्ता गर्न मातहत सुरक्षा निकायलाई निर्देशन गरी सकिएको हुँदा उक्त कार्यविधि पालना गर्न सहयोग गरदिनुहुन सवैमा अनुरोध छ।’



No ads found for this position