काठमाडौं । कतारमा जारी २२ औं संस्करणको विश्वकप फुटबलमा दक्षिण कोरिया पोर्चुगललाई हराउँदै नकआउट चरणमा प्रवेश गरेको छ।

पोर्चुगललाई २—१ गोलले हराउँदै दक्षिण कोरिया अन्तिम १६ मा प्रवेश गरेको हो।

१—० ले पछि परेको स्थित उल्टाउँदै सनसनीपूर्ण कमब्याक गरेर दक्षिण कोरिया नकआउट चरणमा प्रवेश गरेको छ।

दक्षिण कोरियाविरुद्ध खेलको ५ औं मिनेटमा रिकार्डो होर्ताले गोल गर्दै पोर्चुगललाई अग्रता दिलाएका थिए ।

खेलको २६ औं मिनेटमा डिफेन्डर किम योङ ग्वानले गोल गर्दै खेल बराबरीमा ल्याएका थिए।

९० मिनेटपछि थप गरिएको समयमा सनको पासमा ह्वाङ हि चानले गोल गर्दै कोरियालाई जित दिलाएका हुन्।

जितसँगै ४ अंक जोडेर दक्षिण कोरिया नकआउट चरणमा प्रवेश गरेको छ। पोर्चुगल हारका बाबजुद पनि ६ अंकका साथ शीर्ष स्थानमा रहँदै समूह विजेता बनेको छ। पोर्चुगल यसअद्धि नै नकआउट चरणमा पुगिसकेको थियो।