प्रवासी नेपालीलाई मताधिकारको व्यवस्था मिलाउनका नेपाली कांग्रेसको नेतृत्वमा आज निर्वाचन आयोगमा ध्यानाकर्षण गराइने भएको छ।

त्यसका लागि नेपाली कांग्रेसका दुई महामन्त्री गगन थापा र विश्वप्रकाश शर्मालगायतको एउटा टोली निर्वाचन आयोगमा जाँदैछ।

गैरआवासी नेपाली संघ एनआरएनएले लामो समयदेखि दोहोरो नागरिकता र मताधिकारको माग राख्दै आएका थिए। त्यसबारे केही दिनअघि प्रधानमन्त्री शेरबहादुर देउवालगायत सरकारका मन्त्री र राजनीतिक दलका नेताहरूलाई बोलाएर एनआरएनएले छलफल पनि गरेको थियो।

सर्वोच्चले विदेशमा रहेका नेपालीलाई मताधिकारको व्यवस्था मिलाउनका लागि सरकारलाई कानुन बनाउन आदेश पनि दिइसकेको छ।