नेपालमा लगानी ढुक्क भएर गर्नुहोस् : ढकाल
नेपाल उद्योग वाणिज्य महासंघका वरिष्ठ चन्द्रप्रसाद ढकालले नेपालमा लगानीको प्रशस्त अवसर रहेको बताएका छन्।
गैरआवासीय नेपाली संघले आयोजना गरेको कार्यक्रममा बोल्दै ढकालले नेपालमा कतिपय परियोजना ‘रेडी टु गो’को अवस्थामा रहेको भन्दै विदेशमा बस्ने नेपालीलाई लगानी गर्न आग्रह गरे।
जलविद्युत, पर्यटन, उत्पादनमूलक उद्योग क्षेत्रमा संभावना रहेको उनले बताए।
‘तपाइहरु बसेको मुलुक भन्दा यहाँ सहज छ’ उनले भने, ‘ नेपालमा लगानी गर्न धेरै सहज छ।’
कुनै पनि व्यवसाय सञ्चालन गर्नका लागि यहाँ अवसर छ’ उनले भने।
नेपाल लगानी बोर्डसँग सहकार्य गरी विदेशी लगानी सहजीकरण गर्न नेउद्योग वाणिज्य महासंघमा डेक्स राखिएको उनले बताए।
‘सहजीकरणका लागि हामी क्रियाशील छौं’ उनले भने, ‘नेपालमा लगानी गर्नुहोस्।’
