तारा एयरको पोखरा–जोमसोम–पोखरा उडान बन्द

तारा एयरको पोखरा–जोमसोम–पोखरा उडान बन्द

काठमाडौं । तारा एयरको पोखरा–जोमसोम–पोरखा उडान बन्द हुने भएको छ। २० देखि २७ जेठसम्मका लागि उक्त रुटको उडान बन्द गरिएको यति एयरले जनाएको छ।

बिहीबार सूचना जारी गर्दै यति एयरले विशेष कारणवस भोलि २० देखि २७ जेठसम्मका लागि तारा एयरको पोखरा–जोमसोम–पोखरा उडान स्थगति गरिएको जनाएको छ।

पोखरादेखि जोमसोमका लागि उडेको तारा एयरको विमान आइतबार दुर्घटनामा परेको थियो। दुर्घटनामा २२ जनाको मृत्यु भएको थियो। विमान दुर्घटनामा परी ज्यान गुमाउनेहरूको शव आज मात्रै आफन्तलाई बुझाइएको छ।

सरकारले उक्त विमान दुर्घटनाका विषयमा जाँच गर्न एक आयोग गठन गरेको छ। उक्त आयोगलाई विमान दुर्घटनाको कारण र आगामी दिनमा दुर्घटना हुन नदिन चालिनुपर्ने कदमबारे सुझाव दिन कार्यादेश सरकारले दिएको छ।