काठमाडौं । त्रिभुवन अन्तर्राष्ट्रिय विमानस्थलको आन्तरिक टर्मिनलमा संकास्पद वस्तु रहेको आशंका गरिएको छ। अपरिचित नम्बरबाट फोन गरेर त्यहाँ बम राखिएको जानकारी आएको थियो।

त्यस्तो जानकारी दिने व्यक्तिको परिचय भने खुल्न सकेको छैन। ‘विमानलस्थमा बम राखेको भनेर नखुलेको नम्बरबाट फोन आएको छ। अहिले सेनासहितको सुरक्षाकर्मी खटिएको छ’,  विमानस्थल सुरक्षा कार्यालय प्रमुख एसएसपी भीमप्रसाद ढकालले भने।

बम राखिएको खबर आएपछि आन्तरिक उडानका सबै यात्रुहरुलाई बाहिर निकालिएको छ भने आन्तरिक उडानहरु बन्द गरिएका छन्। तर, अन्तर्राष्ट्रिय उडान भने जारी छन्।