काठमाडौं। पाँच दिनअघि मात्र अतिरिक्त महानिरीक्षक पदमा बढुवा भएका राजु अर्याल सशस्त्र प्रहरीको महानिरीक्षक बनेका छन्। आइतबारको मन्त्रिपरिषद् बैठकले अर्याललाई आईजीपीमा बढुवा गर्ने निर्णय गरेको हो।

अर्याल वैशाख १४ गते एआईजीपीमा बढुवा भएका थिए। सशस्त्र प्रहरी बलमा एआईजीबाट आईजीपी बनाउने प्रावधान अनुसार अर्याल आइजीपीमा बढुवा भएका हुन्।

अर्का एआईजी रामशरण पौडेल भने आइतबार नै आईजीपी पुष्पराम केसीसँगै ३० वर्षे सेवा अवधिका कारण अनिवार्य अवकाशमा गएका थिए। त्यसपछि अर्याल नै आइजीपीका एकल दाबेदार थिए।