काठमाडौं। गैरआवासीय नेपाली संघ (एनआरएनए) को युवा उपाध्यक्षमा रोशन थापाले उम्मेदवारी दर्ता गराएका छन्।

संघको वर्तमान कार्यसमितिमा अफ्रिका क्षेत्रीय संयोजकको जिम्मेवारीमा रहेका थापाले आगामी कार्यकालका लागि युवा उपाध्यक्ष पदमा उम्मेदवारी दिएका हुन्।

हाल अफ्रिकामै रहेका थापाले अनलाइनमार्फत प्रक्रिया पूरा गरी मनोनयन दर्ता गराएका हुन्।

संघको निर्वाचन समितिका प्रमुख भिमसेन बन्जराका अनुसार आज (सोमवार) देखि भोलि (मंगलवार) साँझ ५ बजेसम्म मनोनयन दर्ता प्रकृया जारी रहने छ।

एनआरएनएको नयाँ नेतृत्वका लागि २१ र २२ मार्चमा निर्वाचन हुँदैछ।