अमेरिका पठाइदिने बाहानामा पैसा असुल्ने धन्दा

अमेरिका पठाइदिने बाहानामा पैसा असुल्ने धन्दा सांकेतीक तस्वीर

काठमाडौं । अमेरिका जाने लोभमा पर्दा दुई व्यक्तिको  ३४ लाख रपैयाँ रकम डुबेको छ भने आफैँ मानव बेचबिखनको जालोमा फस्न पुगेका छन्। उनीहरु अहिले न्याय पाउँ भनी प्रहरीको शरणमा पुगेका छ्न्।

मानिस बेचबिखन गरेको आरोप लागेका दाङ घर भई हाल काठमाडौँको तारकेश्वर नगरपालिका बस्ने एक दम्पतिमध्ये श्रीमती सुधा देवकोटा पक्राउ परे पनि श्रीमान् मुक्तिनारायण केसी अझै फरार छन्। अदालतको आदेशले देवकोटा भने पूर्वक्षका लागि जेल चलान भएको प्रहरीको मानव बेचबिखन अनुसन्धान ब्यूरोले जनाएको छ। उनीहरुविरुद्ध विभिन्न मितिमा दुई पीडित व्यक्तिको जाहेरी परेको थियो।

उनीहरुले अमेरिकामा मासिक तीन लाख तलब हुने लोभ देखाएर २७ लाख मागेका थिए भने एक पीडितबाट उनीहरुले पटकपटक गरी  १९ लाख लिएको समेत खुलासा गरेको छ । सन् २०१९ को जनवरी २५ मा त्रिभुवन अन्तर्राष्ट्रिय विमानस्थलबाट इण्डोनेसियाको बाली तथा जाकार्ता पु¥याइ बोलेभिया हुँदै अमेरिका जाने भनी लगेका थिए तर विमानस्थलमा पु¥याउदा सेटिङ नमिलेको भनी फर्काए । उनीहरुले पछि पीडितलाई मेक्सिको हुँदै अमेरिका जानी भनी इथियोपिया पु¥याई कोठामा साँढे तीन महिना बन्धक बनाएको खुल्न आएको छ ।

आफू बेचिएको थाहा पाएपछि पीडितले घरबाट टिकट मगाइ फर्किएर वि।सं २०७६ कात्तिक २१ गते ब्यूरोमा जाहेरी दिएका छन्। उनीहरुले एकअर्का व्यक्तिलाई पनि बेचबिखन गरेको भनी जाहेरी परेको प्रहरी उपरीक्षक राजेन्द्रप्रसाद धमलाले जानकारी दिएका छन् । उनीहरुले एक व्यक्तिलाई काठमाडौँको स्वयंम्भूबाट बसमार्फत भारतको नयाँ दिल्लीमा दुई महिना राखी फेरि काम नभएको भनी नेपाल फर्काएर मलेसिया हुँदै इण्डोनेसिया पु¥याइएको खुलासा गरेको छ ।

अमेरिका लैजाने बहानामा त्यहाँ सात महिना कोठामा बन्धक बनाइएको र पछि जाकार्ताको इमिग्रेसनबाट उनी पक्राउ परेका थिए । त्यसपछि उनलाई १४ दिन हिरासतमा राखेर नेपाल फर्काइएको थियो भने वि।सं २०७६ मङ्सिर १३ गते आएका पीडित व्यक्तिले १९ गते जाहेरी दिएका छन् । उनीबाट दम्पतीले रु १५ लाख लिएको समेत खुल्नआएको छ ।

खोजतलासका क्रममा काठमाडौँको तारकेश्वर नगरपालिका–२ काभ्रेस्थलीबाट अघिल्लो महिनामा पक्राउ परेकी देवकोटालाई जिल्ला अदालत काठमाडौँको आदेशले पूर्पक्षका लागि कारागार चलान गरिएको प्रहरीले आज एक सूचना जारी गरी जनाएको र केसीको भने खोजी जारी रहेको बताइएको छ।




Leave a Reply

Your email address will not be published. Required fields are marked *