नयाँदिल्ली । भारतमा २४ घण्टामा कोरोना भाइरसबाट थप एक लाख ७९ हजार ७२३ सङ्क्रमित भएका केन्द्रीय स्वास्थ्य र परिवार कल्याण मन्त्रालयले सोमबार जानकारी दिएको छ । यसैसँगै भारतमा कोरोना सुरु भएदेखि हालसम्म तीन करोड ५५ लाख २८ हजार भन्दा बढी सङ्क्रमित भएका छन्।

मन्न्त्रालयले ,यहाँ चार हजार ३३ जना ओमिक्रोनका सङ्क्रमित रहेका जानकारी दिएको छ। भारतमा अहिले सङ्क्रमित अवस्थामै रहेको सङ्ख्या सात लाख २३ हजार ६१९ रहेका छन् । २४ घण्टामै भारतमा ४६ हजार ५६९ कोरोनाबाट मुक्त भएका छन् । यसैसँगै कोरोना सुरु भएयता हालसम्म तीन करोड ४५ लाख १७२ जनालाई कोरोना सङ्क्रमण निको भएको छ।

सोही अवधिमा थप १४६को कोरोना सङ्क्रमणका कारण मृत्यु भएको छ भने यसैसँगै भारतमा कोरोनाका कारण ज्यान गुमाउने व्यक्तिको सङ्ख्या पनि चार लाख ८३ हजार ९३६ जना पुगेको मन्त्रालयले थप जानकारी दिएको छ।