दोहा । कतारले अवैधानिक रुपमा बसिरहेका आप्रवासी श्रमिकलाई कैद वा जरिवानबिना स्वदेश फर्किन पाउने समयवधि तीन महिना थपेको छ । कतारको आन्तरिक (गृह) मन्त्रालय आममाफीको समय तीन महिना थपिएको जनाएको छ।

कतार सरकारले अवैधानिक हैसियतमा बसिरहेका आप्रवासी श्रमिकलाई स्वदेश फर्किन ३१ मार्चसम्मको समय थप गरेको हो । यसअघि आममाफीको समय ३१ डिसेम्बरसम्म थियो ।

कतार सरकारले अघिल्लो वर्षको १० अक्टोबरदेखि गैरकानूनी हैसियतका कामदारलाई बिना कैद र बिना जरिवानासहित स्वदेश फर्किन आममाफीको व्यवस्था लागू गरेको थियो।

कतारको आवासीय अनुमति पत्र (कतार आइडी) म्याद सकिएका, वर्क परमिट बिना काम गरिरहेका र पारवारिक भिसाको नियम उल्लघंन गरेका आप्रवासी श्रमिकलाई आममाफीको व्यवस्था गरिएको हो।

आममाफी प्रकृयामा सहभागी हुन त्यस्ता कामदारले सर्च एन्ड फलो अप डिपार्टमेन्टमा वा आन्तरिक मन्त्रालयको उम सलाल , उम सुनैम (पहिलेऔधोगिक क्षेत्र) , मेसाइमिर , अल वक्रा र अल रयान सर्भिस सेन्टरमा दिउँसो १ देखि बेलुका ६ बजेसम्म नाम दर्ता गराउनु पर्नेछ।

२०१५ को कानून नं २१ को ‘मेलमिलाप’ प्रावधान अनुसार यस्तो व्यवस्था गरिएको मन्त्रालयले जनाएको छ।

यो पनि पढ्नुहोस्

कतारमा अवैधानिक कामदारलाई आममाफी