दुबई । यूएईका विभिन्न जेलमा कैद सजाय भोगिरहेका ८ सय ७० कैदीबन्दीलाई थुनामुक्त गरिने भएको छ।

यूएईको ५०औं राष्ट्रिय दिवसको अवसरमा विभिन्न आरोपमा जेल जीवन बिताइरहेका ८ सय ७० जना कैदीबन्दीलाई थुनामुक्त गरिने भएको हो। यूएईका राष्ट्रपति शेख खालिफा बिन जायद अल नाह्यनले ती कैदीबन्दीहरुलाई थुनामुक्त गर्ने आदेश दिएका हुन्।

उनीहरुलाई सो अवसरमा क्षमायाचना दिँदै थुनामुक्त गरिएको र आफ्ना परिवारसँग दुःखकष्टलाई सहज बनाउँदै नयाँ जीवन बिताउन सन्देश दिइएको छ।

यस्तै विभिन्न अभियोगमा थुनामा परेका ती कैदीबन्दीको ऋण तथा जरिवाना शुल्क समेत मिनाहा गरिएको बताइएको छ।