कुवेत सिटी। कुवेत अन्तर्राष्ट्रिय विमानस्थलमा बालुवाको ढिस्कोले पुरिएर ज्यान गुमाएका दुई नेपाली कामदारको पहिचान खुलेको छ।

कुवेतस्थित नेपाली दूतावासका अनुसार ज्यान गुमाउनेमा झापाको गोलधाप-१ निवासी यमबहादुर कटुवाल र झापाकै रचकचकी-६ निवासी सुकलाल राजवंशी रहेका छन्।

उनीहरुको बुधबार विमानस्थलको टर्मिनल-२ को भूमिगत पाइप मर्मत गर्ने क्रममा बालुवाको ढिस्कोले पुरिएर मृत्यु भएको थियो।

सोही घटनामा रोल्पाको धनमुढास्थित मिझिंग-८, निवासी सर्वजीत महरा घाइते भएका छन्। उनको उपचार भइरहेको दूतावासले जनाएको छ।

याे पनि

कुवेत विमानस्थलमा बालुवाको ढिस्कोले पुरिएर दुई नेपालीको मृत्यु