एनआरएनए मलेसियामा सर्वसहमत कार्यसमिति बनाउने प्रयास, दुई पदमा सहमति जुटेन

एनआरएनए मलेसियामा सर्वसहमत कार्यसमिति बनाउने प्रयास, दुई पदमा सहमति जुटेन

क्वालालम्पुर । गैरआवासीय नेपाली संघ, राष्ट्रिय समन्वय परिषद् (एनआरएनए/एनसीसी) मलेसियामा सहमतिमा नयाँ कार्यसमिति चयन गर्ने प्रयास गरिएको छ ।

अन्तिम समयमा सहमतिमा नयाँ कार्यसमिति गठन गर्ने प्रयास भएको वर्तमान अध्यक्ष हरि प्रसाद भट्टराईले प्रवास खबरलाई जानकारी दिए । ‘मिलेर जाने कुरा आएपछि म अन्तिम समयमा पछाडि हटेको हुँ,’ उनले भने ।

भट्टराईका अनुसार नयाँ नेतृत्वको जिम्मेवारी बिनोद थापालाई दिने सहमति भएको छ । अध्यक्षका लागि थापासहित अन्य ३ जनाले उम्मेदारी दिएका थिए । जसमध्ये महेन्द्रजंग शाहीको भने निर्वाचन समितिले आवश्यक कागजात अपुग भएको भन्दै उम्मेदवारी रद्द गरेको थियो । वर्तमान अध्यक्ष भट्टराई, थापा र विश्वविक्रम राईको मात्रै नेतृत्वमा उम्मेदवारी परेको थियो।

तर, अन्तिम समयमा सहमतिमा भट्टराई र राई पछाडी हटेपछि थापा निर्विरोध अध्यक्षमा निर्विरोध चुनिएका हुन्।

थापासँगै महासचिवमा रंजित क्षेत्री, कोषाध्यक्षमा कृष्ण नेपाल र युवा संयोजकमा अरुण गिरी निर्विरोध चुनिएको बताइएको छ।

आइसीसी सदस्य र वरिष्ठ उपाध्यक्षमा भने अझै सहमति जुट्न नसकेको भट्टराईले बताए । ‘अझै दुई पदमा मिल्न बाँकी छ । अरुमा सहमति जुटिसकेको छ । सवै मिलाउन अझै दुई दिन जति लाग्छ ।’

केहि दिनअघि विवाद बढेपछि निर्वाचन समिति नै खारेज गरिएको थियो । समितिलाई अख्तियारी दुरुपयोग गरेर उम्मेदारका गोप्य सूचना सार्वजानिक गरेको आरोप लागेको थियो।

श्रोतका अनुसार मलेसियामा बढेको विवाद मिलाउन अन्तिम समयमा एसिया प्यासिफिक उपसंयोजक खगेन्द्र न्यौपानले भूमिका खेलेका थिए।




Leave a Reply

Your email address will not be published. Required fields are marked *