काठमाडौं । अन्तर्राष्ट्रिय हवाई उडानमा ट्राभल एजेन्सीले चर्काे मुल्य असुल गरेको गुनासो बढेपछि सरकारले छानबिन समिति गठन गरेको छ ।

निषेधआज्ञाको मौका छोपेर ट्राभल एजेन्सीले सरकारले तोकेको भन्दा महंगोमा टिकट विक्री गरेको व्यापक गुनासो आएपछि पर्यटन मन्त्रालयले समिति गठन गरेको हो।

मन्त्रालयले नागरिक उड्डयन प्राधिकरणका महानिर्देशक राजन पोखरेलको संयोजत्वमा ५ सदस्यीय समिति गठन गरेको जनाएको छ ।

प्राप्त गुनासो बारेमा समितिले विस्तृत छानबिन गर्ने मन्त्रालयले जनाएको छ ।

नेपालमा कोरोनाको दोस्रो लहर बढेपछि २० बैशाखदेखि सरकारले अन्तर्राष्ट्रिय उडानमा प्रतिबन्ध लगाएको थियो । यसबीच विदेशमा समस्यामा परेका नेपाली श्रमिकको अवस्था कस्टकर बन्दै गएपछि सरकारले केही देशमा सिमित संख्यामा जहाजलाई उडानका लागि अनुमति दिएको थियो ।

सरकारका अनुसार यी उडान चार्टर्ड नभएर नियमित हुन् । तर, एयरलाइन्स तथा ट्राभल एजेन्सीले विभिन्न वाहनामा श्रमिकबाट चर्काे मुल्य असुल गरेपछि त्यसको चौतर्फी विरोध भएको छ।

यो पनि पढ्नुहोस्

काठमाडौं–साउदी उडानमा कमिसनको खेलः श्रमिकको ढाड सेकिदै, सरकार मौन