एनआरएनएद्वारा दुई लाख राशीको अन्तर्राष्ट्रिय पुरस्कारको घोषणा

एनआरएनएद्वारा दुई लाख राशीको अन्तर्राष्ट्रिय पुरस्कारको घोषणा

पेरिस । गैरआवासीय नेपाली संघ (एनआरएनए) को भाषा, साहित्य, संस्कृति तथा सम्पदा समितिले प्रवासी नेपालीको उत्कृष्ट पुस्तकलाई पुरस्कृत गर्न अरनिको पुरस्कार स्थापना गरेको छ । नेपाली भाषामा प्रकाशित कुनै पनि विधाको उत्कृष्ट पुस्तकलाई वार्षिक दुई लाख र प्रमाणपत्र दिने गरी पुरस्कार स्थापना गरिएको हो ।

उक्त पुरस्कारका लागि एनआरएनएका पूर्व केन्द्रीय कोषाध्यक्ष हिकमत थापाको संयोजकत्वमा नयनराज पाण्डे, नीलम कार्की निहारिका, ददि सापकोटा, महेश्वर पन्त रहेको समिति गठन गरिएको छ । समितिको सल्लाहकारमा नेपाल प्रज्ञा प्रतिष्ठानका कुलपति गंगाप्रसाद उप्रेती, एनआरएनएका केन्द्रीय अध्यक्ष कुमार पन्त र एनआरएनए पूर्वअध्यक्ष जीवा लामिछाने छन् ।

आइतबार बसेको समितिको बैठकले पहिलो पुरस्कार वर्ष २०७७ मा लेखिएका गैरआवासीय नेपाली लेखकमध्ये नेपाली वाङ्मय क्षेत्रको एक उत्कृष्ट पुस्तकलाई दिने निर्णय गरेको छ ।

पुरस्कार प्रत्येक वर्षको गैरआवासीय नेपाली संघको साधारणसभा वा अक्टोबरमा आयोजना गरिने एनआरएन डेको अवसर पारेर दिइनेछ । समितिले पुरस्कारका लागि उक्त अवधिमा लेखिएका पुस्तक पठाउन लेखक, प्रकाशक, संघसंस्था र लेखकका शुभचिन्तकलाई आह्वान गर्ने निर्णय गरेको छ ।

पुस्तकहरू अमेरिकाको बोस्टन, फ्रान्सको पेरिस र नेपालमा गैरआवासीय नेपाली संघको अन्तर्राष्ट्रिय सचिवालयमध्ये कुनै एक ठाउँमा तलको ठेगानामा सन् २०२१ को जुलाई मसान्तभित्र पठाउनुपर्नेछ ।

Dadi Saokota 17 Rue Françis Perrin 91190 Gif-Sur-Yvette , France

Maheshwar Pant 1646 Main St, Walpole MA 02081, USA




Leave a Reply

Your email address will not be published. Required fields are marked *