विदेशबाट फर्किएका नेपालीको सीप विकासका लागि ४० करोड रकम विनियोजन

विदेशबाट फर्किएका नेपालीको सीप विकासका लागि ४० करोड रकम विनियोजन

काठमाडौं।सीप विकासका लागि सरकारले आगामी आर्थिक वर्ष ४० करोड रुपैयाँ विनियोजन गरेको अर्थमन्त्री विष्णु पौडेलले बताएका छन्।

शनिबार अध्यादेशमार्फत २०७८–७९ सालको बजेट प्रस्तुत गर्ने क्रममा अर्थमन्त्री पौडेलले विदेशबाट फर्किएका तथा स्वदेशमा रोजगारी गुमाएका नेपाली श्रमिकका लागि विभिन्न स्वरोजगारमूलक कार्यमा संलग्न हुन सीप विकासका लागि ४० करोड रकम बिनियोजन गरेको बताएका हुन्।

उनले स्वदेशी उद्योगमा सीप सिक्न चाहनेका लागि ३ महिनाको रकम सरकारले ब्यहोर्ने बताए। यस्तै, सीप सिकेकालाई सम्बन्धित उद्योगले दुई वर्ष रोजगारी उपलब्ध गराउनुपर्ने पनि बजेट भाषणमा जानकारी दिए। यसले थप २५ हजार व्यक्तिले रोजगारी प्राप्त गर्ने अपेक्षा सरकारले गरेको छ।

गत वर्ष शैक्षिक प्रमाणपत्र धितो राखेर सहुलियत ऋण लिने कार्यक्रमलाई यस वर्ष पनि सरकारले निरन्तरता दिएको छ।

सरकारले सरकारले आगामी आर्थिक वर्षका लागि श्रम, रोजगार तथा सामाजिक सुरक्षा मन्त्रालयका लागि १४ अर्व विनियोजन गरेको छ।




Leave a Reply

Your email address will not be published. Required fields are marked *