काठमाडौं। गैरआवासी नेपाली संघ (एनआरएनए) अफ्रिकाले सञ्चालन गरेको ‘तत्काल मातभूमिलाई अक्सिजन सहयोग अभियान’ इलाम जिल्ला अस्पताललाई एक सय थान रिफिल सिलिन्डर उपलब्ध गराएको छ । बिहीवार अस्पताललाई अक्सिजन हस्तान्तरण गरिएको हो ।

अक्सिज खरिदको आर्थिक सहयोग अफ्रिका क्षेत्रीय संयोजक रोशन थापाले गरेका हुन। थापाको नेतृत्वमा एनआरएनए अफ्रिकाले नेपालमा अक्सिजनकाे सहज आपूर्ती गर्न सहयोग अभियान चलाएको छ ।

अभियानले हालसम्म देशका विभिन्न दश जिल्लाका अस्पतालमा १०५ थान अक्सिजन सिलिन्डरसहित सहयोग गरिएको भने १ हजार थान रिफिल सिलिन्डर पनि उपलब्ध गराएको छ ।

थापाले स्वंयमले यस अभियानमा ३ लाख सहयोग गरिसकेका छन् । अफ्रिकाका एनसीसी र अन्य दाताहरुबाट समेत गरेर अभियानले ३० लाख सहयोग संकलन गरिसकेको छ । जसबाट नेपालका विभिन्न सरकारी अस्पतालमा अक्सिजन लगायतका अत्यावश्यक स्वास्थ्य सामग्री सहयोग गरिएको छ ।