भारतीय नागरिक बोकेर साउदी उड्दै नेपाल एअरलाइन्स

भारतीय नागरिक बोकेर साउदी उड्दै नेपाल एअरलाइन्स FILE PHOTO

काठमाण्डौं। बुधबार (आज) पनि नेपाल एअरलाइन्सले भारतीय नागरिकलाई साउदी अरेविया लैजान दुईवटा उडान भर्ने भएको छ ।

नेपालमा रहेका भारतीय नागरीकलाई उद्धार गरेर एअरलाइन्सले साउदीको रियाद र दमाम पुर्‍याउन उडान भर्ने भएको हो ।

निषेधाज्ञा अघि नै नेपाल आएर अड्किएका भारतीय नागरिकलाई साउदी लैजान नेपाल नागरिक उड्डयन प्राधिकरणले १० वटा चार्टड उडानको अनुमति दिएको छ ।

मंगलबार हिमालय एअरलाइन्सले तीनवटा र नेपाल एअरलाइन्सले दुई गरी पाँचवटा उडानमार्फत भारतीय नागरिकलाई साउदी लगिएको थियो । अब बुधबारकाे उडानसहित ५ वटा उडान भर्न बाँकी छन् ।