रियाद। गैरआवासीय नेपाली संघ (एनआरएनए) स्थानीय  समिति दम्माम साउदी अरबमा हरि थापाको नेतृत्वमा नयाँ कार्यसमिति चयन भएको छ । शुक्रबार सम्पन्न अधिवेशनले थापाको नेतृत्वमा आगामी कार्यकालका लागि सर्वसहमतिमा नयाँ कार्यसमिति चयन गरेको हो ।

नयाँ कार्यसमितिमा उपाध्यक्षको जिम्मेवारी दिपक खाणले पाएका छन् । त्यस्तै सचिवमा रामबहादुर खड्का, सह–सचिवमा राम थापा, कोषाध्यक्षमा रमेश राजवंशी र सह–कोषाध्यक्षमा सरोज कुमार मण्डल चयन भएका छन्।

अधिवेशनले प्रवक्ताको जिम्मेवारी सुरज आचार्यलाई दिएको छ । त्यसैगरी कार्यसमितिको सदस्यहरुमा पासाङ शेर्पा, संजित कुमार पासवान, तेजबहादुर शाही र ओम नारायण श्रेष्ठ निर्वाचित भएका छन्।

एनसीसी साउदी अरबका अध्यक्ष तेजबहादुर थापाले अधिवेशन सफलतापूर्वक सम्पन्न गराएकोमा स्थानीय समिति दम्मामका निवर्तमान पदाधिकारीलाई धन्यावाद दिएका थिए । उनले नयाँ कार्यसमितिका पदाधिकारीलाई बधाई दिँदै सफल कार्यकालको शुभकामना समेत दिए। अधिवेशनमा एनआरएनएका मध्यपूर्वक उपसंयोजक राजेन्द्र अर्याल (जोन) को पनि सहभागिता थियो ।

साउदीमा एनआरएनएका ६ वटा स्थानीय र ५ वटा क्षेत्रीय समिति छन् । अध्यक्ष थापाका अनुसार यी सबै समितिले मे महिनाको अन्तयसम्म अधिवेशन गरेर नयाँ कार्यसमिति गठन गर्नुपर्नेछ । आउँदो शुक्रबार क्षेत्रीय समिति अलकासिमको पनि अधिवेशन तय भएको अध्यक्ष थापाले प्रवास खबरलाई जानकारी दिए।