रियाद। गैरआवासीय नेपाली संघ (एनआरएनए) स्थानीय समिति अलखोर साउदी अरबको अध्यक्षको जिम्मेवारी दुर्गाबहादुर खड्काको काँधमा गएको छ । शुक्रबार सम्पन्न अधिवेशनले खड्काको नेतृत्वमा आगामी कार्यकालका लागि सर्वसहमतिमा नयाँ कार्यसमिति चयन गरेको हो ।

नयाँ कार्यसमितिमा उपाध्यक्षको जिम्मेवारी दिपक खाणले पाएका छन् । त्यस्तै सचिवमा रामबहादुर खड्का, सह–सचिवमा राम थापा, कोषाध्यक्षमा रमेश राजवंशी र सह–कोषाध्यक्षमा सरोज कुमार मण्डल चयन भएका छन् ।

अधिवेशनलेबाट सचिवमा हरि ओली, सह–सचिवमा मोती राज चाम्लिङ, कोषाध्यक्षमा जय थारु र सह–कोषाध्यक्षमा होमनाथ भण्डारी चुनिएका छन् ।

त्यसैगरी सदस्यहरुमा लाल प्रसाख धिताल र बसन्तरान भण्डारी निर्वाचित भएका छन् ।

एनसीसी साउदी अरबका अध्यक्ष तेजबहादुर थापाले अधिवेशन सफलतापूर्वक सम्पन्न गराएकोमा स्थानीय समिति अलखोरका निवर्तमान पदाधिकारीलाई धन्यावाद दिएका थिए । उनले नयाँ कार्यसमितिका पदाधिकारीलाई बधाई दिँदै सफल कार्यकालको शुभकामना समेत दिए । अधिवेशनमा एनआरएनएक मध्यपूर्वक उपसंयोजक राजेन्द्र अर्याल (जोन) को पनि सहभागिता थियो।

साउदीमा एनआरएनएका ६ वटा स्थानीय र ५ वटा क्षेत्रीय समिति छन् । अध्यक्ष थापाका अनुसार यी सबै समितिले मे महिनाको अन्तयसम्म अधिवेशन गरेर नयाँ कार्यसमिति गठन गर्नुपर्नेछ । आउँदो शुक्रबार क्षेत्रीय समिति अलकासिमको पनि अधिवेशन तय भएको अध्यक्ष थापाले प्रवास खबरलाई जानकारी दिए ।