शारजाह । यूएईको शारजाह विमानस्थलमा आउने यात्रुले अनिवार्य पीसीआर परिक्षण गराउनुपर्ने भएको छ । कोरोना संक्रमणको जोखिम बढेसँगै आपतकालिन संकट तथा विपत व्यवस्थापन टोलीले यो नियम घोषणा गरेको हो ।

यूएईमा कोरोना संक्रमण बढेसँगै विमानस्थलमा स्वास्थ्य सतर्कता बढाइएको छ । उक्त नियम अनुसार प्रत्येक यात्रुले नेगेटिभ पीसीआर रिपोर्ट पेश गर्नुपर्नेछ । जुन यात्रा गर्नुभन्दा ७२ घण्टा अघि परिक्षण गरेको हुनपर्नेछ । उक्त रिपोर्टको मान्यता भने ९६ घण्टासम्म रहने जनाएको छ ।

यो नियम व्यवस्थापन टोलीले घोषणा गरेको ५ दिनपछि अर्थात १८ अप्रिलबाट मात्रै लागू हुनेछ । यूएई भित्रका यात्रुले मात्र नभई यूएई प्रवेश गर्ने यात्रुले पनि अनिवार्य रुपमा पीसीआर परिक्षण गर्नुपर्नेछ ।