भारतीय क्रिकेट टोलीका कप्तान विराट कोहली इन्स्टाग्राममा सर्वाधिक फलोअर्स भएका विश्वको छैंटौं सेलिब्रेटी बनेका छन् ।

इन्स्टाग्राममा विश्वमा सर्वाधिक फलोअर्स युभेन्ट्सका स्टार फुटबलर क्रिस्टियानो रोनाल्डोको छ । रोनाल्डोको २ सय ६६ मिलियन फलोअर्स छन् । २ सय २४ मिलियन फलोअर्स रहेका अमेरिकन गायिका एरियाना ग्रान्डे दोस्रो स्थानमा छिन् ।

तेस्रो स्थानमा भने २ सय २० मिलियन फलोअर्स रहेका पूर्व डब्लू डब्लू डब्लू सुपर स्टार ड्वेन जोहनसन रहेका छन् । बार्सिलोना लिओनल मेस्सीको १ सय ८७ मिलियन र पेरिस सेन्ट जर्मेनका नेयमारको १ सय ४७ मिलियन फलोअर्स छन् ।

कोहली इन्स्टाग्राममा सर्वाधिक फलोअर्स भएका विश्वका छैटौं सेलिब्रेटी हुन् । विराटको फेसबुकमा ३६ मिलियन र ट्वीटरमा ४०.८ मिलियन फलोअर्स छन् ।