परदेशी गायक खड्काको ‘गिलास र कचौरा’ दर्शकमाझ लोकप्रिय बन्दै

परदेशी गायक खड्काको ‘गिलास र कचौरा’ दर्शकमाझ लोकप्रिय बन्दै

टोकियो । गायक सूर्य खड्का र आशा विसीको स्वरमा रहेको लोकदोहोरी गीत गिलास र कचौरा युट्युवमा लोकप्रिय बनेको छ ।

सार्वजनिक भएको ५ दिनमै करिव २ लाख पटक हेरिसकिएको म्यूजिक भिडियोमा ३५ सय व्यक्तिले माया दर्शाउनुका साथै ७ सय जनाले आफ्ना प्रतिक्रिया व्यक्त गरेका छन्।

म्युजिक भिडियोमा गायक खड्का र गायिका एवं मोडल सोना केसीको मुख्य अभिनय देख्न सकिन्छ।

जापानमा रहेर नेपाली गीत संगीत सृजनामा सक्रिय गायक खड्का परदेशी गायकको रुपमा चिरपरिचित छन् । फरक शैली र भाकामा सार्वजनिक गरिएको गित गिलास र कचौरामा शिव अखेलीको शब्द र स्वयम गायक खड्काको संगीत रहेको छ।

गीतमा बिश्वास नेपालले संगीत संयोजन र रविन शर्माले निर्देशन तथा गीतको सुरुवाती पाश्र्व स्वर तथा अभिनय गरेका छन्।

जापानमानै छायाङ्कन गरिएको गीत मारुनी रेकर्डिङ स्टुडियोमा रेकर्ड गरिएको हो । गीतको मिक्सिङ तथा मास्टरिङ कुमार रानाले गरेका हुन्। गीतमा सामूहिक स्वरमा साथ रवीन लामिछाने, अर्जुन सापकोटा, स्मृति शाही र पुष्पा बोहराको रहेको छ ।

गीतको सिनेमाटोग्राफी विष्णु सुवेदी निशानसहित गोविन्द विष्ट र अनिलकुमार निर्दोशले गरेका छन्। भिडियोमा सम्पादन भने विष्णु सुवेदीले गरेका छन्।

म्यूजिक भिडियोमा गायक खड्का र सोना केसीलाई प्रेम कुमार, कविता खत्री, विशाल क्षेत्री, ईशिता क्षेत्री, शिशिर गौतम, शुशिला बराल, हिरा श्रीष, कौशिला गुरुङ, अर्जुन सुवेदी, रुपेश गुरुङ, बिप्लबी सुवेदी लगायतले साथ दिएका छन्।

भिडियो

 




Leave a Reply

Your email address will not be published. Required fields are marked *