दोहा । कतार र साउदी अरबबिच हवाई,स्थल र समुद्रीमार्गको सीमा खोल्ने सम्झौता भएको छ । ‘आज रातीदेखि सीमा खुल्नेछ’,कुवेतका विदेशमन्त्री शेख डा. अहमद नासिर अलमोहम्मद अल सवाहले भने ।

‘आज साँझदेखि शुरु हुने गरी हवाई,स्थल तथा समुद्रीमार्गको सीमा खोल्ने कतार र साउदी अरब अधिराज्यबीच सहमति भएको छ,’ कुवेतका विदेशमन्त्रीले भने ।

उनले अगाडि भनेका छन्,‘कुवेतका अमिर (राजा) ले कतार राज्यका अमिर (राजा) सँग र साउदी अरबका राजकुमारसँग अल उला शिखर सम्झौतामा हस्ताक्षर गर्नका लागि दुईपटक वार्ता गरे र कतार तथा साउदी अरबबीचको सम्पूर्ण सीमा आज साँझदेखि खुला गर्नका लागि सहमत भए ।’

एजेन्सी