काठमाडौं। शुक्रबार (आज) परेको क्रिसमस दिवसका अवसरमा गैर आवासीय नेपाली संघ (एनआरएनए)ले विश्वभर छरिएर रहेका नेपालीहरुलाई शुभकामना दिएका छन् ।

एनआरएनएले आफ्नो फेसबुक पेजमा मेरी क्रिसमस लेखेको एक तस्वीर साझा गर्दै यस दिवसको शुभकामना दिएको हो । यो दिवस हरेक वर्ष डिसेम्बर २५ तारिखका दिन मनाइने गरिन्छ । यस दिन क्रिश्चियन धर्मका संस्थापक जिसस क्राइस्टको जन्म भएको थियो ।

उनकै जन्म जयन्तीका अवसरमा हरेक वर्ष क्रिसमस दिवस मनाइदैँ आएको छ । यस दिन इसाई धर्माबलम्बीहरुले चर्चमा प्रार्थना लगायत कार्यक्रम गरी क्रिसमस दिवस मनाउने गर्छन ।