प्रधानमन्त्रीले पूर्वप्रधानमन्त्री र पूर्वपरराष्ट्रमन्त्रीसँग छलफल गर्ने

काठमाडौं- प्रधानमन्त्री केपी शर्मा ओलीले पूर्वप्रधानमन्त्री र पूर्वपरराष्ट्र मन्त्रीहरुसँग छलफल गर्ने भएका छन् ।

२३ वर्षपछि हुन लागेको चिनियाँ राष्ट्रपतिको नेपाल भ्रमण र नेपालले उठाउन पर्ने एजेण्डाका विषयमा छलफल गर्ने प्रधानमन्त्रीको तयारी छ ।

चिनियाँ राष्ट्रपति सी चिनफिङ शनिबार नेपाल आउने कार्यक्रम तय भएपछि सरकारले सीको भ्रमणमा राख्नुपर्ने प्राथमिकता, नेपाल सरकार र चीन सरकारबीच हुने सहमति, नेपाल चीन सम्बन्ध विस्तारमा नेपालले खेल्ने भूमिका लगायतका विषयमा प्रधानमन्त्री केपी शर्मा ओलीले पूर्वप्रधानमन्त्री र परराष्ट्रमन्त्रीसँग परामर्श गर्ने भएको प्रधानमन्त्रीको सचिवालयले जनाएको छ ।

सीको स्वागतका लागि सरकारले भव्य तयारी गरेको छ । चिनियाँ राष्ट्रपति सी राष्ट्रपति विद्या भण्डारीको निमन्त्रणामा नेपालको राजकीय भ्रमण गर्दैछन् ।

सुझाव दिनुहोस्

Leave a Reply

Your email address will not be published. Required fields are marked *